blondunarstodvar-og-steypubilar
Blöndunarstöðvar og steypubílar
Auk aðalblöndunarstöðvar BM Vallá í Reykjavík sem afkastar um 140 m3/klst. er varablöndunarstöð BM Vallá til reiðu (afkastar 80 m3/klst.) til að tryggja rekstraröryggi og sinna sérverkefnum. Báðar stöðvarnar eru búnar nýjustu og fullkomnustu tækjum til að tryggja nákvæmni á öllum sviðum í framleiðslunni.
Í Reykjavík hefur BM Vallá einnig yfir að ráða stöð þar sem hrært er anhydrit og aðrar ílagnir. Auk stöðvanna í Reykjavík rekur BM Vallá steypustöðvar á Akranesi, Bolungarvík og Reyðarfirði og hefur einnig yfir að ráða færanlegum stöðvum í sérverkefni.
Öflugur floti sparar þér fjármuni
BM Vallá í Reykjavík hefur stöðugt til reiðu fleiri en 15 steypubíla sem hver um sig flytur 8 rúmmetra af steinsteypu í hverri ferð. Þannig getum við í flestum tilfellum tryggt öruggar og samfelldar steypuafhendingar.
