Landslagsarkitekt

Landslagsarkitekt

Frí landslagsráðgjöf

Áslaug Katrín Aðalsteinsdóttir og Inga Rut Gylfadóttir, landslagsarkitektar (FÍLA), gefa góð ráð við útfærslu hugmynda, hvort sem skipuleggja þarf nýjan garð eða gamlan. 

 

Landslagsráðgjöf

Bóka þarf tíma hjá söludeild BM Vallá

í síma 412 5050

Ráðgjöfin stendur í hálfa klukkustund og er veitt í lystihúsinu í hjarta Fornalundar.

Ráðgjöfin er veitt í tveimur þrepum:

  • Hálftíma ráðgjöf hjá landslagsarkitekt. Hann mótar hugmyndirnar með þér og helstu útfærslur.
  • Nokkrum dögum eftir ráðgjöfina færð þú afhenta tölvugerða vinnuteikningu sem hægt er að framkvæma eftir, þar sem hugmyndirnar eru útfærðar með efnislista, magntölum og tilboði.

Athugaðu að ráðgjöfin snýst eingöngu um útfærslur á vörum BM Vallá. Teikningin er einkaeign BM Vallá þar til verki er lokið.

Í söludeildinni færðu kort af Fornalundi þar sem þú getur séð staðsetningu hverrar vöru fyrir sig.

Þannig undirbýrð þú þig fyrir ráðgjöfina

Til þess að ráðgjöfin nýtist þér sem best er nauðsynlegt að þú undirbúir þig vel:

  • Kynntu þér vel bækling BM Vallá og mótaðu þér skoðun á því hvaða efni frá BM Vallá þér finnst helst koma til greina í garðinum þínum
  • Skoðaðu Fornalund vel og þær lausnir sem þar er að finna.

 

Eftirfarandi gögn er nauðsynlegt að þú takir saman og komir með í ráðgjöfina

  • Útprentuð grunnmynd í kvarðanum 1:100
  • Útprentaðar útlitsteikningar af húsinu í kvarðanum 1:100*
  • Útprentuð afstöðumynd í kvarðanum 1:500*
  • Ljósmyndir af húsinu og núverandi lóð *

 Þessi gögn má nálgast hjá viðkomandi bæjarfélagi.

 * Gott að hafa en ekki nauðsynlegt.

 

Hverjir geta nýtt sér landslagsþjónustuna?

Landslagsráðgjöf BM Vallá er hugsuð fyrir alla þá er ætla að taka til hendinni við lóðaframkvæmdir:

  • Eigendur einbýlis-, rað- og parhúsa.
  • Húsfélög í fjölbýlishúsum.
  • Fyrirtæki og stofnanir sem vilja hressa upp á ímyndina.
  • Byggingaverktaka sem vilja skila vönduðum lóðafrágangi.

 

Þjónusta fyrir hönnuði

Við aðstoðum hönnuði ef óskað er við útfærslur steinlagna og teiknum upp mynstur og sérlausnir.