Beint í efni

SAMFÉLAGSSJÓÐUR | HJÁLPARHELLA BM VALLÁ


Hjálparhella

Samfélagssjóðurinn Hjálparhella BM Vallár er starfræktur með það að markmiði að styðja við fjölbreytt samfélagsverkefni sem hafa jákvæð áhrif á samfélagið. Í gegnum tíðina hafa verið veittir margvíslegir styrkir til samfélagsverkefna, smáum sem stórum, til lengri eða skemmri tíma. Í dag eru þrjú langtímaverkefni í gangi með með UNICEF á Íslandi, UN Women og Römpum upp Ísland.

Viðskiptavinir BM Vallár gegna mikilvægu hlutverki í samfélagsverkefnum fyrirtækisins en ákveðið hlutfall af ársveltu fer í málaflokkinn. Þannig geta allir verið hjálparhellur!

Fyrir hvern er samfélagssjóðurinn?

Markmið sjóðsins er að styðja við fjölbreytt verkefni á sviði íþrótta- og æskulýðsstarfa, góðgerðarmála, umhverfismála, sjálfbærni og nýsköpunar. Að auki er horft til verkefna sem samræmast stefnu fyrirtækisins, gildum og þeim heimsmarkmiðum sem hafa verið sett í forgang og lögð sérstök áhersla á:

5: Jafnrétti kynjanna
9: Nýsköpun og uppbygging
11: Sjálfbærar borgir og samfélög
12: Ábyrg neysla og framleiðsla
13:Aðgerðir í loftslagsmálum

Styrkir eru veittir til skilgreindra verkefna og atburða sem ekki eru rekin í hagnaðarskyni. Að jafnaði eru ekki veittir styrkir í almennan rekstrar- og launakostnað heldur leitast við að styðja við verkefni sem falla að ofangreindum áherslum.

Úthlutað er úr sjóðnum einu sinni á ári, oftast í desember, og þarf að senda styrkumsóknir í gegnum umsóknarform. Öllum styrktarumsóknum er svarað þegar búið er að fara yfir umsóknir og úthluta úr sjóðnum.

Langtíma Hjálparhellu-verkefni

2021-2024 | UNICEF á Íslandi

Veittur er fjárstyrkur á hverju ári upp á 5 milljónir króna til mismunandi verkefna á vegum UNICEF á Íslandi.

2023: Fjárstyrkur til neyðarsöfnunar UNICEF í tengslum við umfangsmikillar vetraraðstoðar stofnunarinnar við að veita 111 þúsund fjölskyldum í Afganistan lífsnauðsynlega mannúðaraðstoð í komandi vetrarhörkum þar sem hitastig getur farið niður í -33 gráður.

2022: Neyðarsöfnun UNICEF í tengslum við hungursneyð í ríkjum Afríku, Suður-Asíu og Mið-Austurlanda sem má m.a. rekja til stríðsátakanna í Úkraínu, hækkandi matvælaverðs, hamfarahlýnunar og efnahagsþrenginga í kjölfar heimsfaraldurs COVID-19. Fjárstyrkur stóð straum af 113.000 næringarríkum pokum af jarðhnetumauki fyrir vannærð börn í heiminum, en með þremur slíkum pokum á dag í fáeinar vikur geta vannærð börn náð fullum bata.

2021: Fyrir hverja 10 fermetra af hellum keyptum á árinu tryggðum við dreifingu á bóluefni við COVID-19 fyrir einn einstakling í efnaminni ríkjum heims, svokallað COVAX samstarf. Árangurinn lét ekki á sér standa og hafa í dag alls 1.42 milljarður skammta af bóluefnum við COVID-19 verið dreift til 145 landa og telst verkefninu formlega lokið.

2021-2024 | Römpum upp Ísland

Verkefnið miðar að því að auka aðgengi hreyfihamlaðra á landinu öllu og leggur BM Vallá verkefninu lið með því að útvega hellur og sand í rampana.

2023: Veittur hefur verið stuðningur við að koma upp samtals 1.000 römpum á landinu.

2022: Veittur var stuðningur við að koma upp 300 römpum og stefnan er sett á 1.500 rampa víðsvegar um landið. 

2021: Verkefnið, sem kallaðist Römpum upp Reykjavík gekk út á að auka aðgengi hreyfihamlaðra við verslanir, veitingastaði og þjónustu í Reykjavík með gerð rampa. Árangurinn lét ekki á sér standa og yfir 100 römpum var komið fyrir í Reykjavík á árinu með hellum frá BM Vallá. 

2023 | Styrkir úr samfélagssjóð

  • Mæðrastyrksnefnd
  • Ástráður | kynfræðslufélag rekið af læknanemum við HÍ
  • Stelpur rokka!/Læti! | Feminísk sjálfboðasamtök
  • Samhjálp
  • Spjöllum með hreim | Vettvangur fyrir fullorðna af erlendum uppruna
  • Líf styrktarfélag
  • Kraftur - lífið er núna
  • Bæjarhlaup Grundarfjarðar
  • UN Women

2022 | Styrkir úr samfélagssjóð

  • UNICEF á Íslandi
  • Römpum upp Ísland
  • Kópavogshús - elsta steinhús Íslands
  • Krabbameinsfélagið - Mottumars
  • Klettaskóli - ferðasjóður
  • Soroptismaklúbburinn Akranesi
  • UN Women

2021 | Styrkir úr samfélagssjóð

  • UNICEF – styrkur í COVAX-verkefnið til að standa straum af bólusetningu gegn Covid-19 í fátækari löndum
  • Römpum upp Reykjavík – samstarfsaðili í verkefninu með því að leggja til hellur, sand og efni
  • Knattspyrnufélag Fjarðabyggðar
  • Þögul tár – styrkur til gerðar heimildarmyndar um sjálfsvíg
  • Krabbameinsfélag Íslands – stuðningur vegna Mottumars
  • ÍA knattspyrnufélag – stuðningur til starfsemi félagsins

2020 | Styrkir úr samfélagssjóð

  • Körfuknattleiksdeild UMF Þórs – stuðningur til starfsemi félagsins
  • Körfuknattleiksdeild Tindastóls – stuðningur til starfsemi félagsins
  • Stígamót – stuðningur til starfsemi félagsins
  • SÁÁ – stuðningur til starfsemi félagsins
  • Björgunarfélag Akraness – styrkur til starfsemi björgunarsveitarinnar