Landslagsráðgjöf 

Lilja Kristín Ólafsdóttir, landslagsarkitekt, veitir góð ráð við útfærslu hugmynda um framkvæmdir við lóðina, garðinn eða innkeyrsluna við heimilið. Ráðgjöfin tekur mið af útfærslu á vörulínu BM Vallár og er ætlað að auðvelda fólki þegar skipuleggja þarf nýtt svæði eða betrumbæta lóðir. Útgangspunktur landslagsráðgjafarinnar tekur mið af því hvernig hægt er að fegra og snyrta nærumhverfið með hellum, steinum, þrepum og vörum frá BM Vallá.

Hægt er að velja milli tveggja mismunandi leiða í landslagsráðgjöf, en einnig er hægt að hanna eigin innkeyrslu með nýju teikniforriti BM Vallár, sem er einfalt vefkerfi og öllum að kostnaðarlausu.

1) Landslagsráðgjöf fyrir eitt svæði

Landslagsráðgjöf | Aðkoma að húsi EÐA baklóð | Gögn og 3D | 45 mínútur | Verð: 19.900 kr*.

Landslagsráðgjöf fyrir innkeyrslu/aðkomu að húsi EÐA baklóð. Landslagsarkitekt hannar eitt svæði við húsið (aðkomu eða baklóð) og útbýr þrívíða útlitsmynd af hönnuninni, efnislista og magntölum ásamt verðtilboði.

Landslagsráðgjöf hentar þeim sem vilja fullmótaða hugmynd, magnupplýsingar og útfærslu að heildarútliti á einu svæði við húsið, að hámarki 200 fm.

*Kostnaður við landslagsráðgjöf gengur upp í efniskaup á hellum hjá BM Vallá.

Bóka tíma

2) Landslagshönnun heildarlausn 

Landslagshönnun | Heildarlausn fyrir alla lóð | Gögn, 3D og hæðarsetningar | 60 mínútur | Verð: skv. tilboði

Landslagshönnun fyrir þá sem vilja láta teikna upp lóð/garð ásamt innkeyrslu. Um er að ræða heildarlausn fyrir alla lóðina við húsnæðið ásamt skilagögnum í formi þrívíðra útlitsmynda, efnislista og magntölur. Landslagshönnun hentar þeim sem vilja láta teikna upp nýja lóð, þ.m.t. aðkomu að húsi og garðinn sjálfan. 

Vinsamlega athugið! BM Vallá hefur ekki milligöngu um þessa þjónustu en hægt er að heyra beint í Lilju Kristínu, landslagsarkitekt, fyrir nánari upplýsingar og verð.

Senda Lilju tölvupóst

3) Teikniforrit fyrir innkeyrslu

Teikniforrit fyrir innkeyrslu | Hugmyndatillögur | Hægt að hlaða inn eigin mynd | Verð: Frítt

Með nýju teikniforriti BM Vallár er hægt að hlaða inn mynd af innkeyrslu eða nota sýnisútgáfur af mismunandi innkeyrslum. Hægt er að velja á milli mismunandi tegunda af hellum, litum og kantstein.

Teikniforritið hentar vel þeim sem vilja hanna sína eigin innkeyrslu og skoða hvernig mismunandi hellur koma út.

Söluráðgjafar BM Vallá aðstoða við útfærslur, val á hellum og gefa góð ráð um næstu skref.

Opna teikniforrit

Veldu þá leið sem hentar þér best

Það eru þrjár leiðir í boði þegar kemur að landslagsráðgjöf og/eða hönnun á innkeyrslu, allt eftir umfangi verkefnisins og áherslum.

Leið 1 | Landslagsráðgjöf fyrir eitt svæði

Lilja Kristín, landslagsarkitekt, veitir viðskiptavinum ráðgjöf um framkvæmdir á einu svæði við húsnæðið, t.d. aðkomu að húsi, innkeyrslu eða baklóð. Miðað er við svæði sem er að hámarki 200 fm að stærð. Sjö til tíu virkum dögum eftir ráðgjöf færð þú senda þrívíða útlitsmynd af hönnuninni og verðtilboð.

Gögnin taka mið af heildarhönnun svæðisins en eru ekki formlegar framkvæmdateikningar.

Nauðsynlegt er að senda gögn fyrir tímann með grunnteikningu, lóðamörkum og ljósmyndir af svæði. Ráðgjöfin fer fram hjá BM Vallá að Breiðhöfða 3, en einnig er hægt að fá fjarráðgjöf í Teams.

*Tíminn kostar 19.900 kr og færð þú upphæðina tilbaka í formi inneignar sem gengur upp í efniskostnað á hellum hjá BM Vallá.

Bóka tíma

Leið 2 | Landslagshönnun – heildarlausn

Sökum mikillar eftirspurnar frá viðskiptavinum okkar bendum við á að hægt er að leita til landslagsarkitekta sem taka að sér landslagshönnun á heildarsvæði. Lilja Kristín býður upp á slíka þjónustu og er hún ætluð þeim sem vilja láta teikna upp lóð/garð ásamt innkeyrslu. Um er að ræða heildarlausn fyrir alla lóðina við húsnæðið ásamt skilagögnum í formi þrívíðra útlitsmynda, efnislista og magntölur. Landslagshönnun hentar þeim sem vilja láta teikna upp nýja lóð, þ.m.t. aðkomu að húsi og garðinn sjálfan.

BM Vallá hefur ekki milligöngu um þessa þjónustu en hægt er að heyra beint í Lilju Kristínu, landslagsarkitekt, fyrir nánari upplýsingar og verð.

Senda Lilju tölvupóst

Leið 3) Teikniforrit fyrir innkeyrslu

Nú getur þú hannað innkeyrsluna við húsið þitt með hellum og kantsteinum frá BM Vallá og séð hvernig mismunandi tegundir fara best við húsið þitt.

Teikniforritið er einfalt, þægilegt og notendavænt vefkerfi. Byrjaðu að hanna og sjáðu hvernig planið leggst í þig!

Opna teikniforrit

Lilja Kristín, landslagsarkitekt, hjá BM Vallá

Lilja Kristín hefur starfað sem landslagsarkitekt síðan 2008 og er með eigin stofu, Betula landslagsarkitektar. Hún hefur fjölbreytta reynslu bæði hvað varðar skipulag og hönnun og tekið þátt í ýmsum samkeppnum.

Einkagarðar hafa alltaf átt sérstakan sess í hönnun hjá henni en þar reynir á að setja saman marga ólíka hluti á eina lóð sem þarf að vera falleg, virkar vel og hentar hverri fjölskyldu.

Algengar spurningar og svör um landslagsráðgjöf

Fyrir hvern er landslagsráðgjöfin ætluð?

Landslagsráðgjöf er fyrir þau sem ætla að taka til hendinni við lóðaframkvæmdir og fegra til í nærumhverfinu við heimilið sitt og er fyrst og fremst hugsuð fyrir einstaklinga.

Hvar fer landslagsráðgjöfin fram?

Landslagsráðgjöfin fer fram að Breiðhöfða 3, þar sem BM Vallá er með höfuðstöðvar sínar. Best er að koma inn á söluskrifstofu okkar, ganga frá greiðslu og síðan tekur landslagsarkitektinn á móti þér í lysthúsinu okkar í Fornalundi.

Hvernig panta ég landslagsráðgjöf?

Það er þægilegast að bóka í gegnum Noona appið eða með því að smella á dagatalið neðar á vefsíðunni. Einnig er hægt að hringja í söludeild okkar og fá aðstoð. Síminn er 412 5050, einnig er hægt að senda tölvupóst.

Hvaða gögn þarf ég að senda ykkur áður en ráðgjöfin fer fram?

Það er mjög mikilvægt að þú sendir okkur tímanlega gögn fyrir ráðgjöfina svo hægt sé að undirbúa tímann sem best.

Gögnin sem þú þarft að senda okkur, ekki seinna en fimm dögum fyrir ráðgjöfina, eru grunnteikning, lóðamörk og ljósmyndir af svæði.

  1. Nýjustu byggingarnefndarteikningar af húsinu, með grunnteikningu í kvarða 1:100 og lóðamörkum. Oft er hægt að finna þessar teikningar á kortavef viðkomandi sveitarfélags
  2. Ljósmyndir sem sýna vel svæðið (hús og lóð) sem á að hanna
  3. Láttu fylgja með upplýsingar um þínar áherslur, t.d. hvað vörur þú horfir helst í, hvað það er sem þarf að gera og þær hugmyndir sem þú hefur. Við minnum á bæklinginn okkar, Umhverfi og Garður, sem er gott að skoða fyrir tímann.
  4. Þegar þú ert búin(n) að bóka tíma í ráðgjöf færðu sendan tölvupóst frá okkur og við köllum eftir ofangreindum gögnum. Einnig getur þú sent okkur tölvupóst.
Fæ ég upphæðina endurgreidda?

Fyrir leið 1, landslagsráðgjöf fyrir eitt svæði, sem kostar 19.900 kr færðu inneign hjá okkur sem gildir upp í hellukostnað.

Fyrir leið 2, alhliða landslagshönnun, þá er hún ekki á vegum BM Vallá og er því ekki endurgreidd.

Bjóðið þið upp á fjarráðgjöf?

Já, þú getur valið á milli þess að koma til okkar að Breiðhöfða 3 eða taka tímann á Teams. Láttu okkur bara vita hvað hentar þér best með tölvupósti. 

Hvenær koma gögnin frá landslagsarkitektinum?

Við miðum við sjö til tíu virka daga að skila fullbúnum þrívíðum teikningum ásamt upplýsingum um verð, magn og efnislista.