Þessi síða notar vafrakökur

Karfan mín

Eitthvað fór úrskeiðis, gat ekki bætt í körfu

Landslagsráðgjöf - val á útfærslum á vörum okkar

Við bjóðum upp á landslagsráðgjöf

Björn Jóhannsson landslagsarkitekt gefur góð ráð við útfærslu hugmynda hvort sem skipuleggja þarf nýjan garð eða breyta og bæta gamlan. Ráðgjöfin snýst eingöngu um útfærslur á vörum BM Vallá. Björn er í félagi FÍLA sem er félag íslenskra landslagsarkitekta.

Ráðgjöfin fer þannig fram

Ráðgjöfin stendur í 45 mínútur og er veitt í Lystihúsinu í hjarta Fornalundar. Ráðgjöfin kostar kr. 7.000.- og nýtist sem inneign þegar keyptar eru vörur hjá okkur. Ganga þarf frá greiðslu á söludeild áður en tíminn hefst.

Ef um stórar framkvæmdir er að ræða, svo sem raðhús, parhús eða fjölbýlishús kostar tíminn kr. 14.000.-

Ráðgjöfin fer þannig fram að þú/þið og landslagsarkitekt mótið í sameiningu helstu útfærslur og hugmyndir að garðinum eða planinu.

Þú/þið fáið útlitsmynd senda samdægurs eftir tímann og síðan málsettar teikningar ásamt mjög skemmtilegum þrívíðum sjónarhornum um viku til tíu dögum síðar sem hægt er að framkvæma eftir. Þar eru hugmyndirnar útfærðar með efnislista, magntölum og verðtilboði í efnið.

Athugaðu að ráðgjöfin snýst eingöngu um útfærslur á vörum BM Vallá. Teikningin er eign BM Vallá þar til verki er lokið.

Til þess að ráðgjöfin nýtist þér sem best er nauðsynlegt að þú undirbúir þig vel.

 

Panta tíma í landslagsráðgjöf

Nafn
Heimilisfang framkvæmdastaðar
Netfang
Setja inn skjal
Símanúmer
Skilaboð

Svona undirbýrð þú þig fyrir ráðgjöfina

Kynntu þér vel vöruframboð BM Vallá og mótaðu þér skoðun á því hvaða efni frá BM Vallá þér finnst helst koma til greina í garðinum þínum.

Skoðaðu lausnir fyrir garðinn í Fornalundi í fylgd með sölumanni BM Vallá.

Eftirfarandi gögn er nauðsynlegt að þú sendir á arkitekt@bmvalla.is í síðasta lagi 3 dögum fyrir staðfestan tíma.

  • Grunnmynd, afstöðumynd og útlit af húsi og lóð í kvarðanum 1:100. Þessar teikningar má nálgast á vefnum hjá flestum sveitarfélögum og eru flokkaðar sem byggingarnefndarteikningar.
  • Ljósmyndir (stafrænar) teknar af lóðinni, til og frá húsi (því fleiri því betra).

 

Einnig er gott að hafa:

  • Útprentaðar útlitsteikningar af húsinu í kvarðanum 1:100.
  • Útprentaða afstöðumynd í kvarðanum 1:500.
  • Einnig er gott að hafa teikningarnar og ljósmyndir á USB lykli þegar mætt er í ráðgjöfina.

Teikningar má nálgast hjá þínu sveitarfélagi.

Hverjir geta nýtt sér landslagsþjónustuna?

Landslagsráðgjöf BM Vallá er hugsuð fyrir alla þá er ætla að taka til hendinni við lóðaframkvæmdir.

  • Eigendur einbýlis-, rað- og parhúsa.
  • Húsfélög í fjölbýlishúsum.
  • Fyrirtæki og stofnanir sem vilja hressa upp á ímyndina.
  • Byggingaverktaka sem vilja skila vönduðum lóðafrágangi.

Þjónusta fyrir hönnuði

Við aðstoðum hönnuði ef óskað er við útfærslur steinlagna og teiknum upp mynstur og sérlausnir.