UMHVERFISSTEFNA
Stefnum að kolefnishlutlausri steinsteypu 2030
Umhverfisstefna BM Vallár tekur tillit til daglegrar starfsemi, við alla framleiðslu, við val á birgjum og þjónustuaðilum.
Markmið um kolefnishlutlausa steinsteypu árið 2030 kallar á markvissa vöruþróun og nýsköpun ásamt breytingum á verkferlum og metnaðarfullum mótvægisaðgerðum svo hægt verði að draga úr losun gróðurhúsalofttegunda í allri framleiðslu BM Vallár.
Helsti sementsframleiðandi okkar, Heidelberg Material Sement Norge, hóf nýlega framleiðslu í nýrri kolefnisföngunarstöð í Brevik í Noregi þar sem kolefni er fyrir að fangað, flutt og geymt varanlega. Afkastageta hennar er um 400 þúsund CO2 tonn á ári, sem samsvarar u.þ.b. 50% af útblæstri verksmiðjunnar.
Umhverfisvænna sement er forgangsmál
Steinsteypa samanstendur af sementi, steinefnum, íblendiefnum og vatni. Þar sem sementið er ábyrgt fyrir 85-90% af heildarlosun CO2 í starfsemi BM Vallár og er það því forgangsmál að bjóða fram nýjar tegundir steypu sem eru með umhverfisvænna sementi. Nú þegar getur fyrirtækið boðið viðskiptavinum sínum upp á Berglindi, vistvænni steypu sem er með allt að 45% minna kolefnisspor.
Áherslurnar miðast að því að draga úr neikvæðum umhverfisáhrifum frá starfseminni með því að:
- Hafa ábyrga nýtingu auðlinda að leiðarljósi
- Leggja áherslu á stöðuga vöktun, umbætur og stýringu umhverfisþátta með það fyrir augun að draga úr losun gróðurhúsalofttegunda
- Einsetja okkur að kolefnisspor félagsins hafi minnkað um a.m.k. 60% fyrir lok árs 2030.
- Vinna að markvissri vöruþróun, nýsköpun og rannsóknum í eigin framleiðslu og í samstarfi við birgja og samstarfsaðila.
- Innleiða ISO 14001:2015 umhverfisstaðalinn á árinu 2028.
- Stuðla að hringrásarhugsun í framleiðslunni með því að endurnýta, gera við, endurframleiða og endurvinna auðlindir sem falla til í rekstri á ábyrgan hátt
- Flokka úrgang sem fellur til í starfseminni, auka endurvinnslu og draga úr almennu sorpi/urðun ásamt því að minnka matarsóun
- Víkja aldrei frá lagakröfum á sviði umhverfismála og viðhalda enn strangari kröfum þar sem við á
- Stuðla að orkusparandi aðgerðum í starfseminni með því að vakta, mæla og leita leiða til að draga úr rafmagns- og vatnsnotkun
Umhverfisstefna var uppfærð og yfirfarin af forstjóra 16.02.2026