Beint í efni

ATVINNU- OG IÐNAÐARHÚSNÆÐI


Öflug atvinnuhúsnæði

Atvinnu- og iðnaðarhúsnæði þurfa að standast mikið álag, örar hitabreytingar, titring, högg og umferð tækja og véla. Hús byggð með Smellinn húseiningum eru öflugur valkostur sem byggingarmáti fyrir atvinnuhúsnæði. Hönnuðir, verkfræðingar og arkitektar hafa nánast fullt frelsi við hönnun og útfærslu byggingarinnar og hægt að fara fjölbreyttar leiðir í framleiðslunni. Auðvelt er að tvinna saman stálgrind, límtré í þökum og Smellinn húseiningar eftir því hvaða eiginleikum leitað er eftir hverju sinni.

Styttri byggingartími

Einingahúsin eru afar fljótleg í uppsetningu. Húsin eru steypt við kjöraðstæður innandyra og eru oftast tilbúin á styttri tíma, enda þarf ekki að taka tillit til veðurfars líkt og þekkist í staðsteyptum húsum. Miklar gæðakröfur og eftirlit er haft með allri framleiðslunni, enda er starfsemin gæðavottuð skv. ISO 9001.

Myndagallerí

Hér má sjá nokkur atvinnuhúsnæði sem hafa verið byggð með Smellinn húseiningum. Líkt og sjá má er hægt að fara margar leiðir í hönnun og ásýnd húsanna. Möguleikarnir eru nær endalausir.

Viðhaldslítil völun og munstursteypa

Forsteyptu einingarnar frá BM Vallá eru þekktar fyrir mikið úrval viðhaldslítillar völunar (7 cm þykk veðurkápa) á ytra byrði hússins sem fæst í nokkrum litum. Einnig er hægt að steypa einingar með munsturáferð í margskonar gerðum og áferðum. Framleiðandi munsturdúks er framleiðandinn Noe og þar má sjá vöruframboðið.

Húseiningarnar henta líka fyrir húsgerðir sem á að klæða með áli eða stálklæðningum, timbri, flísum eða öðru efni.

Hver eru næstu skref?

Við höfum tekið saman algengar spurningar og svör við ýmsu er tengist ferlinu að byggja einingahús með Smellinn húseiningum.

Næst í ferlinu er að kalla eftir tilboði í framleiðslu einingahússins með því að senda okkur teikningar. Þá fyrst getur vinnan hafist við verkefnið. Þér er einnig velkomið að heyra beint í söludeildinni okkar í síma 412 5050 ef þú vilt fá nánari upplýsingar.